ស្រវឹងស្រា នឹកស្រីស្នេហ៍ ជិះម៉ូតូទៅលេង ឡើងពុំនូកកាត់ ទទឹងផ្លូវ ដួលរងរបួសធ្ងន់
ប្រភព ដើមអម្ពិលភ្នំពេញៈ យុវជនម្នាក់ មិនដឹងជាផឹកស៊ី នៅកន្លែងណានោះទេ ក្នុងស្ថានភាពស្រវឹង ជោគហើយ ក៏មានអារម្មណ៍នឹក ទៅដល់ស្រីស្នេហ៍ ជាទីស្រឡាញ់ របស់ខ្លួននោះបានទាញ ម៉ូតូមួយគ្រឿង ជិះទៅផ្ទះនាង ទាំងយប់ ដោយសារតែនឹកនាង ពេកជិះលឿនដូចហោះ ភ្លេចមើល ពុំនូកក្បែរបញ្ជបង់ប្រាក់ជញ្ជីងថ្លឹង រថយន្តកំបូលជិះម៉ូតូហោះឡើងធ្លាក់មកវិញ រងរបួសបែកក្បាលសន្លប់ឈឹង ហើយជនរងគ្រោះពុំមាន ពាក់មួកសុវត្ថិភាពនោះទេ។ ហេតុការនេះកើតឡើងកាលពីវេលាម៉ោង៩ និង៥៥នាទី យប់ថ្ងៃទី១៨ ខែមិថុនា ឆ្នាំ២០១៣ ស្ថិតនៅតាមបណ្តោយផ្លូវជាតិលេខ៤ខាង លិចជញ្ជីងថ្លឹងរថយន្តកំពូលភូមិស្ងួនពេជ្រ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។
នគរបាលបានឲ្យដឹងថា ជនរងគ្រោះមានឈ្មោះ សុខ ខេង ភេទប្រុសអាយុ២៤ឆ្នាំ មានមុខរបរ កម្មករសំណង់ ស្នាក់ភូមិទឹកថ្លា សង្កាត់ទឹកថ្លា ខណ្ឌសែនសុខ ជិះម៉ូតូមួយគ្រឿងម៉ាកអាយខុន ពណ៌សលាយផ្កាឈូក ពាក់ស្លាក លេខភ្នំពេញ1N-5853 ។
នគរបាលបានបន្តទៀតថា មុនពេលកើតហេតុជនរងគ្រោះ ជិះម៉ូតូម្នាក់ក្នុងទិសដៅពីកើត ទៅលិច ក្នុងល្បឿនលឿន លុះដល់ចំណុចកើតហេតុ ត្រង់ចំណុចបញ្ជបង់ប្រាក់ រថយន្តកំបូល ដោយសារតែភាគីខាង ជញ្ជីងថ្លឹងរថយន្តធ្វើ ពុំនូកកាត់ទទឹងដើម្បីឲ្យរថយន្តបន្ថយបង់ប្រាក់ក៏ឡើងលើពុំនូកនោះ រួចហើយធ្លាក់ មកវិញបណ្តាលឲ្យដួលបោក ទៅនឹងថ្នល់ខ្ទាតម៉ូតូអូសជនរងគ្រោះជាច្រើនម៉ែត្ររងរបួសបែកក្បាល បែកមុខ បែកមាត់រលាតដៃជើងសន្លប់ឈឹងនៅនឹងកន្លែង ត្រូវរថយន្តរបស់អង្គភាពសង្រ្គោះ ៧១១នៃកងពលតូចលេខ ៧០ដឹកយកទៅកាន់មន្ទីរពេទ្យ កាល់ម៉ែតដើម្បីជួយសង្គ្រោះអាយុជីវិត។ ចំណែកឯម៉ូតូត្រូវ នគរបាលប៉ុស្តិ៍ កន្ទោករង់ចាំក្រុម យកឯកសារម៉ូតូត្រឹម មកធានាយកទៅវិញ។
នគរបាលបន្តទៀតថា
ជនរងគ្រោះគឺមានស្ថានភាពស្រវឹងស្រាជោគមិនដឹងថា ស៊ីផឹកនៅកន្លែងណានោះទេ
ប៉ុន្តែ ពេលដែលផឹកស្រាស្រវឹងហើយ បានជិះម៉ូតូក្នុងគោលបំណង
ទៅលេងផ្ទះស្រីស្នេហ៍ ជាទីស្រឡាញ់របស់គេ នៅក្នុងសង្កាត់កំបូល
ពីព្រោះក្រោយកើតហេតុមាន សាច់ញាតិរបស់ស្រីស្នេហ៍ ជនរងគ្រោះមកមើល
ហើយបានជិះរថយន្ត ទៅមន្ទីរជាមួយជនរងគ្រោះផងដែរ ៕
0 ความคิดเห็น:
แสดงความคิดเห็น