ស្រីស្រស់សិចស៊ីបំផុតភពផែនដីត្រូវចាប់ខ្លួនព្រោះជួញដូរគ្រឿងញៀន
ទូលីសា កុងតូស្លាវឡូស(Tulisa Contostavlos) តារាចម្រៀងអង់គ្លេសដ៏ល្បីល្បាញនិងជាស្រីស្រស់ត្រូវបានគេបោះឆ្នោត ឲ្យជាប់ជាស្រីសិចស៊ីបំផុតរបស់ភពផែនដីក្នុងឆ្នាំ 2012 ត្រូវបានចាប់ខ្លួនពីបទចោទប្រកាន់ថាបានផ្គត់ផ្គង់គ្រឿងញៀនប្រភេទA។ កាសែត The Sun បានចោទTulisaថាជួញដូរគ្រឿងញៀនកាលពីចុងសប្តាហ៍នេះ។
ទូលីសា កុងតូស្លាវឡូស(Tulisa Contostavlos)
កាសែតនេះបានលួចថតសម្លេង និងថតវីដេអូ
ពេលដែលនាងបាននាំអ្នកយកព័ត៌មានរបស់The
Sunទៅជួបអ្នកចែកគ្រឿងញៀនម្នាក់។
ក្រោយមកអ្នកនោះបានលក់កូកាអ៊ីន14
ក្រាមជាបន្តបន្ទាប់ឲ្យអ្នកយកព័ត៌មាននៅសណ្ឋាគារ Dorchester
ក្នុងទីក្រុងឡុងដ៍។BBC ក៏បានដកស្រង់សំដីរបស់ប៉ូលីសទីក្រុងដែលទទួលស្គាល់ថាតារាវ័យ 24 ឆ្នាំរូបនេះ ត្រូវចាប់ខ្លួនជាមួយនឹងមិត្តភក្តិរបស់នាងដែលជាតារាចម្រៀងរេប ឈ្មោះMike GLC អាយុ35ឆ្នាំកាលពីថ្ងៃទី 4មិថុនា នៅវិមានក្នុងទីក្រុងឡុងដ៍។ ទោះជាយ៉ាងណាអ្នកទាំងពីរនេះបានបង់ប្រាក់ធានានៅក្រៅឃុំរង់ចាំ ការស៊ើបអង្កេតបន្ថែមទៀតដោយគេរំពឹងថានឹងមានលទ្ធផលនៅចុងខែកក្កដា ខាងមុខ។
និយាយទៅកាន់អ្នកយកព័ត៌មាននៅខាងក្រៅស្ថានីយ៍ប៉ូលីស Belgravia នៅកណ្តាលទីក្រុងឡុងដ៍កាលពីម្សិលមិញលោក Mike GLC អះអាងជាបន្តបន្ទាប់ថាពួកគេពីរនាក់នេះគ្មានទោសកំហុសទេ ហើយថាពួកគេនេះជាប់អន្ទាក់។
តារារេបរូបនោះនិយាយថា”នរណាម្នាក់ក៏អាចកែសម្រួលនិងកាត់តវីដេអូ នោះដែរ។ ការពិតនឹងត្រូវបានបង្ហាញឱ្យដឹង។ខ្ញុំមិនដែលបានលក់ថ្នាំទេនៅ ក្នុងជីវិតរបស់ខ្ញុំ”។
ក្រៅពីជាតារាចម្រៀងមួយរូប នាងTulisa ក៏ជាតារាសម្តែង ជាតន្ត្រីករដ៏ល្បីល្បាញនៅក្នុងចក្រភពអង់គ្លេស។ នាងត្រូវបានគេស្គាល់កាន់តែច្រើនក្នុងនាមជាចៅក្រមនៃរឿង X-Factorផលិតនៅអង់គ្លេសផងដែរ។ កាលពីឆ្នាំមុន Tulisa បានវាយផ្តួលស្រីស្រស់ជាច្រើនរូប រហូតក្លាយទៅជាស្ត្រីសិចស៊ីក្នុងពិភពលោកជ្រើសរើសដោយទស្សនាវដ្តី សម្រាប់បុរសឈ្មោះ FHM ។
Tulisa ក៏ជា “រាជនីនៃរឿងអាស្រូវ” ផងដែរ”ជាមួយនឹងរឿងរ៉ាវ“រញ៉េរញ៉ៃ”លេចចេញវីដេអូសិច និងត្រូវបានគេរកឃើញថា បាននាំ”របស់លេងរបស់មនុស្សស្រីពេញវ័យ” ឆ្លងកាត់ព្រលានយន្តហោះ។
ថ្មីៗនេះ ស្រីស្រស់បានទទួលស្គាល់តាម Twitterថានាងនឹងមិនអង្គុយកៅអីចៅក្រមក្នុងរឿង X-Factor ទៀតទេ។តែកម្មវិធី X- Factor និយាយថារឿងនោះនិងការចាប់ខ្លួននាងមិនទាក់ទងគ្នាទេ៕
ប្រភព CEN
0 ความคิดเห็น:
แสดงความคิดเห็น